Lavora con noi
SELEZION JORNALIST LADIN 2023-SENTA DE BULSAN (PROFESCIONIST O PUBLIZIST O PRATICANT)
Contest de referimënt
La RAI Radiotelevijion Taliana S.p.A. á bel da n pez scomencé n percurs por passé da broadcaster a media company; tröpes é, te chësta fasa, les mudaziuns de interes por l’Aziënda. Sostenibilité, svilup tecnologich, digitalisaziun di prozesc de business y produtifs, modalités nöies de laur, data driven company. Te n contest de inovaziun tecnologica adöm al’evoluziun di marciá, ales tröpes plataformes y canai distributifs che röia lapro, al interes da ciafé fora i debujëgns de targets nüs adom ala misciun de Sorvisc Publich mët l’Aziënda le focus sön profescionalités che ti é a chëstes desfides nöies y che pó acompagné chësta transiziun.
Te chësc contest, en referimënt ince ala convenziun por la valorisaziun dles istituziuns y dles cultures locales scrí la RAI fora na bandida de selezion per titui y proes, con l fin de abiné 1 Jornalist de lingaz ladin tl idiom badiot o gherdena o fascian (Profescionisć o Publizisć o Praticanc) da adoré sciche redadour con contrat de laour subordiné a temp determiné, tla Testata Jornalistica Regionala – Redazion Bulsan – Lingaz Ladin.
1. RECUISIC DE PARTEZIPAZION
An mess avei chisc recuisic:
A. Iscrizion al Orden di Jornalisć talian sezion Profescionisć o sezion Publizisć o iscrizion al register di Praticanc;
B. Conescenza dl lingaz ladin (livel C2 dl QCER);
C. Portignenza al grup linguistich ladin;
A la selezion pòl tò pert i zitadins talians, i zitadins dla Union Europeica y i zitadins di Paisc che ne aud nia pro la Union Europeica, tant inant che ai viv regolarmenter tla Talia.
Chisc recuisic vegn ratés essenziai y obligatori y an mess bele i avei tl moment che al toma l tiermul per la prejentazion dles domandes de amiscion sciche ence entant dut l iter seletif y l at de na assunzion eventuala.
Gaujes de esclujion
Al ne podará nia tó pert ala seleziun o, sce ai á arjunt l’idoneité, ne podará nia gní tuc sö chi che:
- é gnüs lasciá jí dala Rai Radiotelevisione Italiana S.p.A. o da n’atra Sozieté dl Grup por na bona gauja o na rajun sogetiva motivada;
- á lascé sö cun düc a öna le raport de laur cun l’Aziënda o cun d’atres Sozietes dl Grup cun na incentivaziun economica por lascé le post de laur;
2. DOMANDA DE AMISCION
La domanda de amiscion mess vegnì prejenteda per forza anter les ores 12.00 dl 15 dezëmber dl 2023 demé scrivan fora l form on line a desposizion tla pert resserveda a la scomenciadiva “SELEZION JORNALIST LADIN 2023-SËNTA DE BULSAN” a les miscions www.raibz.it y/o www.lavoraconnoi.rai.it.
L sistem informatich ne azetarà nia domandes do les 12.00 di 15 dezëmber dl 2023.
Per podei mené la domanda de amiscion méssen:
- Consulté l avis de selezion sun l sit www.raibz.rai.it
- Tò pert a la scomenciadiva drucan sun “VÀ ITE PER TÒ PERT”
- Mete ite la miscion e-mail a chela che l sistem ti menarà atira, automaticamenter, l link per ti podei permez ai formulars per scrive fora i dac personai;
- Druché sun l link che an à giaté tres e-mail per tò pert al form da scrive fora online;
- Emplenì fora duc i ciamps dl form con les informazions y i documenc damanés;
- Confermé i dac scric ite y mené demez la candidatura drucan sun “Confermeia i dac metus ite y meina”.
Canche l candidat arà ruvé da scrive fora y mené l form giataràl n messaje de posta eletronica generé automaticametner, per confermé che la candidatura é vegnuda deda ju.
La domanda de amiscon online mess vegnì scrita fora te dutes les pertes y al é da enjonté laprò:
- n curriculum te n format europeich con n retrat (te n format .pdf);
- n zertificat de portignenza o de agregazion al grup linguistich ladin relascé dal Tribunal de Bulsan (te n format .pdf);
- na copia dl tesserin/zertificazion de iscrizion al Orden di Jornalisć Talian sezion Profescionisć o sezion Publizisć o iscrizion al register di Praticanc (te n format .pdf);
- demé sce declaré tla domanda de amiscion, na copia di documenc che desmostra i titui che an à y che an à declaré, sciche prevedù tl pont 5 de chest avis de selezion (te n format .pdf).
- por chi che ess stlüt jö so titul de stüde foradecá vala debujëgn da injunté na documentaziun che atestëia le reconoscimënt tla Talia dl valur dl titul de foradecá (tl format .pdf)
- per i zitadins de n Paisc che ne aud nia pro la Union Europeica, na copia dl titul de sojornanza varent che i abiliteie da realisé l laour sciche ence la documentazion che desmostra la desponibelté de avei na sistemazion te n cuartier adaté (te n format .pdf);
La Rai pó, te vigni fasa dl iter de seleziun, dan dal’assunziun o tl momënt dl’assunziun, stabilí l’esclujiun di candidac o la nia convocaziun o amisciun ala fasa che vëgn sce: al mancia i recuisic o la documentaziun preodüda por demostré le posses; domandes rovades massa tert o cun d’atres modalités de chëres dades dant; domandes multliples; falsité dles detlaraziuns dades jö; mancianza o funzionamënt nia sciöche al toca dles dotaziuns tecniches/informatiches damanades; azertamënt de öna o deplö gaujes de esclujiun preodüdes tl Punt 1 – Recuisic de partezipazion/Gaujes de esclujion
Les domandes ruvedes ite te n format y/o con n auter meso che chel dé dant chilò dessoura (p.ej. te n format sun papier, via e-mail, yei.) y/o fora dl temp dé dant, ne vegnirà nia toutes en conscidrazion.
Sce l sistem informatich ne fossa nia en funzion tl temp che an pò prejenté les domandes saràl la Rai che ti lasciarà alsavei ai candidac les determinazions che al vegnirà tout en cont dles modalités da prejenté la candidatura tres n avis sun l portal.
3. COMUNICAZIONS
Dutes les comunicazions con i candidac vegnirà demé fates per e-mail adoran la miscion de posta eletronica deda dant can che an à mené demez la candidatura, sibe entant dut l prozes de selezion che ence entant duta la fasa dant la assunzion.
Chesta comunicazion ará valour de notificazion te vigni efet de lege.
I candidac podarà contaté Rai ti scrivan tla casseta dla posta eletronica dedicheda hrbz2023@rai.it
4. PROES DE VALUTAZION
I Fasa - Proa preseletiva (demé con n numer de candidatures soura 15 unités)
Tl cajo che al essa da ruvé ite plu che 10 candidatures, vegniràl fat na proa a carater preseletif che vegnirà fata tla forma de n chestionar multiple-choice tl lingaz ladin / idiom de portignenza (badiot o gherdena o fascian) che revardarà argomenc de cultura generala y atualité (con na maioura atenzion sun l ordinament dl Stat, les normes dla stampa y sun l sistem radiotelevisif, la sconanza dla privacy, la deontologia, l contrat nazional de laour jornalistich, l jornalism radiotelevisif y cross medial) y sun la realté spezifica dl raion.
La proa vegn rateda supereda dai prums 15 candidac (al netto sce al essa da sauté fora ex aequo).
Superé chesta proa (chisc ponc ne vegn nia conscidrés can che al vegnirà formé la gradatoura finala) é na condizion per podei tò pert a les autres fases dl percurs de selezion.
Entant la proa preseletiva vegniràl garantì l prinzip dl anonimat.
II Fasa y III Fasa
Per la seconda fasa, per chela che al vegnirà conscidré i ponc arjonc per la formazion dla gradatoura finala demé sce l candidat arà arjont almanco 12/20 ponc te vigni proa (auter che pro l colloquium profescional), saràl da fé:
a) redazion de n test jornalistich per ladin / idiom de portignenza (badiot o gherdena o fascian) y premontaja dles imajes destiné a la TV sun n argoment de carater local che vegnirà chirì fora da la Comiscion (enchina 20 ponc)
b) redazion de n test jornalistich per ladin / idiom de portignenza (badiot o gherdena o fascian) con premontaja audio destiné al radio sun n argoment de carater local, desvalif da chel da dant, chirì fora da la Comiscion (enchina 20 ponc)
c) organisazion de n projet cross medial per ladin / idiom de portignenza (badiot o gherdena o fascian) (enchina 20 ponc)
d) improvisazion per ladin / idiom de portignenza (badiot o gherdena o fascian), sun video, sun n tema de atualité sun n argoment chirì fora dal candidat anter chi proponus da la Comiscion, con l aiut de flus de imajes; letura sun video dl test per la Televijion; letura dl test destiné per l Radio (enchina 20 ponc).
Tla terza fasa a chela che duc i candidac cherdés ite vigni di, messarà tò pert, messaràn fé:
e) n colloquium profescional per ladin / idiom de portignenza (badiot o gherdena o fascian), con valutazion dl curriculum vitae (enchina 15 ponc).
Chesta fasa ne veid nia dantfora n numer minim de ponc de idoneité.
5. VALORISAZION DI TITUI
Per podei mete adum la gradatoura finala vegniràl dé chisc ponc emplù tl cajo che an fossa en posses de chisc titui, per n mascim de 5 ponc;
- Laurea Trienala: 1 pont
- Laurea magistrala, spezialistica o vedl ordinament: 2 ponc (i ponc prevedus per chest titul ne pò nia vegnì metus adum con chi giatés per la laurea trienala);
- Titui relascés a la fin de cursc de formazion de jornalism da les scoles de formazion al jornalism reconesciudes dal Consei Nazional dl Orden di Jornalisć talian y che vel per l azes a la profescion jornalistica, 3 ponc.
Avei de plu titui dla medema natura ne generarà nia la acuisizion de ponc emplù en confront a cie che vegn dé dant.
La valorisazion di titui vegnirà fata dant che al vegne fat la II fasa y ne portarà nia a arjonje l travert dla idoneité (ciala pont 7 – formazion dla gradatoura). Tl cajo che an ae arjont l titul de stude foradecà messarà l candidat prejenté la zertificazion che al é vegnù reconesciù.
An mess avei chisc titui tl moment che an tol pert a chest avis de selezion.
6. COMISCION
La Rai nominarà na Comiscion per l ejam do che al sarà tomé la prejentazion dles domandes.
7. FORMAZION DLA GRADATOURA
A la fin de chesta prozedura de selezion vegniràl metù adum la gradatoura finala, formeda respetan:
- i ponc arjonc tla seconda fasa (max 80 pp): i ponc arjonc jirà ben per formé la gradatoura finala – y perchel valorisés – demé sce l candidat arà arjont almanco 12/20 ponc te vigni singola proa;
- i ponc arjonc tla terza fasa (max 15 pp);
- i ponc emplù che an giata da avei i titui (max 5 pp), chisc ponc vegnirà dés demé sce an arjonjarà l travert minim de idoneité (57/95).
L travert minim de idoneité vegn fissé a 57/95 ponc arjonc da la soma di ponc arjonc tla seconda y terza fasa.
Sce de plu candidac ruva tla posizion ex aequo, vegniràl trat dant l candidat plu joen de eté.
Al vegn raté l davagnadour adaté l prum tla gradatoura tl orden de ponc.
Al vegn raté adatés nia davagnadours i candidac che arà arjont l medem numer de ponc o de plu ponc che l travert minim de idoneité (57/95) che resulteia tla gradatoura tles posizions sourafoura respet a la posizion a desposizion.
Nia adatés vegn conscidrés chi candidac che ne à nia arjont l travert minim de idoneité (57/95).
La Rai podarà adoré la gradatoura di candidac adatés nia davagnadours, tl temp en doura, tl cajo de renunzies o de esclujions di davagnadours adatés chel vuel dì de esigenzes che sauta fora, aldò dl orden di ponc y sce al resta l travert minim de idoneité dé dant chilò dessoura.
Le plan de assunziuns revardënt por i candidac arata davagnadours adatá,podará gni fat a mëman dala data de publicazion dla gradatoura y por döta la perioda de validité de chësta.
L’assunziun eventuala cun contrat subordiné a tëmp determiné, che podará antergní tl tëmp de trëi agn de validité dla gradatoura, aladô dles modalités dades dant chiló dessura, sará subordinada ala verificaziun di titui, al mantenimënt di recuisic damaná por la partezipaziun ala scomenciadia de seleziun y ala idoneité zënza limitazuns y prescriziuns, ala mansciun che resultará dala vijita sanitara dan dal’assunziun.
Emplù sarà chesta assunzion condizioneda da la renunzia a na stritaria che an à con la Azienda chel vuel dì la definizion de raporc de laour eventuai a vigni titul che é vegnus a se l dé con la medema, tres transazion tla senta sindacala con la renunzia da pert dl interessé a vigni ghiranza ti confronc dla Rai ex art. 2113 cc.
Aladô de ciche é stabilí dal ordinamënt dla profesciun dl jornalist (lege n. 69/1963) ne pudaral nia gní tut sö persones che á albü condanes penales che gauja la interdiziun perpetua dai ufizi publics. Surapró ne pudaral nia gní tuc sö chi che é te na situaziun de inconferibilitè y incompatibilitè aladô dl d.lgs. n. 39/2013 y in particular chi che á reporté condanes penales (ince cun sentënza nia passada a iudize) por i reac preodüs dal Capo I dl Titul II dl Liber II dl Codesc Penal (“Di delic di publics ufiziai cuntra la Aministraziun Publica”), restan frëmes les proibiziuns implü y i limic a l’assunziun preodüs dala normativa varënta.
Refodé la proposta de assunzion con contrat de laour subordiné a temp determiné portarà a la esclujion da la gradatoura finala.
La gradatoura valarà 36 mëisc da la data de publicazion.
8. DESPOSIZIONS FINALES
N valgunes fases dla selezion podará vegnir fates da RAI en colaborazion con na sozieté de selezion esterna.
L candidat che ne se prejeteia nia en l di, tl post y da la ora fac fora o che se tira zeruch da la proa, belanfat per cie gauja, vegn sclut fora da la selezion.
Les proes de selezion vegn fates tla zité de Bulsan bonamenter a mete man da jená dl 2024.
Ai candidac ne ti végnel nia retù les speises de iade y de sojornanza che ai mess eventualmenter paié per tò pert a la selezion.
Ai candidac zitadins de Paisc che ne aud nia pro la Union Europeica, se tegn Rai la poscibelté de ti damané la esibizion tla forma originala dl permes de sojornanza che vel y che abiliteia per realisé la ativité de laour y la documentazion che desmostra la desponibelté de na sistemazion te n cuartier adaté.
Rai à te vigni fasa la facolté da tré zeruch la prozedura seletiva te sie giudizie nia sindacabl.
Sciöche preodü dal Plan Trienal de Prevenziun dla Coruziun de RAI varënt, scrit fora en atuaziun dla L. n. 190/2012 sciöche ince dl Model Organisatif y de Control varënt, scrit fora aladô dla L. 231/2001, messará i candidac canche ai vëgn tuc sö detlaré formalmënter che ai ne è nia te situazuns de conflic de interes y incompatibilité, gnanca potenziales, sciöche ince l’assënza de condanes penales ti reac preodüs dales disciplines nominades.
Roma,